夏夜裡，南管樂聲穿過鹿港古厝的樓井，戲曲身段就在觀眾眼前緩緩展開。
7 月 31 日、8 月 1 日， 江之翠劇場Gang-a Tsui Theater 來到 洛津有夢 Lo̍k-tin Ū-bāng Café（瘦子咖啡•鹿港大街），在百年街屋裡帶來《梨園倚夏》。
從南管指曲、唱曲、器樂演奏，到梨園戲《董永・摘花》，沒有華麗的大型舞臺，演員與觀眾只隔著幾步的距離。一個眼神、一個轉身，甚至唱腔裡細微的情緒，都能清楚看見、聽見。
南管與戲曲，曾經與鹿港人的生活十分靠近，承載著地方的語言、音韻、審美與情感。隨著生活方式改變，它們逐漸離開許多人的日常，成為一種聽過名字，卻不一定真正親近的文化。
但在這兩個晚上，我們看見地方的聲音，再次回到了日常。
觀眾發現，南管並不只是想像中遙遠、嚴肅的傳統藝術；梨園戲裡的人物也會思念、會戀愛，還有幽默可愛的一面。透過演出者的介紹，大家開始認識南管的樂器、樂種與唱腔，也重新聽見台灣本土語言細膩而飽滿的情感。
在場、出席與參與，本身就是一種證明
演出開始前，鹿港囝仔總監張安儂以「緣分、空間、時代」三個詞，分享這場活動背後的思考。
以下收錄完整分享內容：
逐家好，我是鹿港囝仔的安儂，多謝逐家今仔日來到遮。欲開始進前，我想欲用三個詞，來佮逐家分享這兩工活動背後的一寡想法。這三個詞就是：緣分、空間，佮時代。
01. 緣分
頭一項，先來講「緣分」。
鹿港囝仔對 2015 年開始，就佇鹿港舉辦今秋藝術節。到 2017 年，透過朋友的紹介佮牽線，咱有機會邀請江之翠劇場來到鹿港，佇鹿港龍山寺完成《行過洛津》的首演。
《行過洛津》是改編自鹿港作家施叔青老師的同名小說。
彼當時，咱的想法其實真單純：當代藝術佮文化，毋應該干焦放佇遠遠的大型表演場館內底；伊嘛應該轉來地方、活佇地方，佮這塊土地的歷史、空間佮生活，真正發生關係。
後來，這齣對鹿港出發的作品，佇 2019 年行到法國外亞維儂藝術節演出。
這件代誌予咱真正看著：一齣認真對地方生出來的作品，有可能對鹿港行向世界，閣佇另外一個所在，佮無仝的人相拄著。
經過遮濟年，今仔日咱閣佇鹿港相會。對阮來講，這就是緣分。
嘛真多謝逐家願意來到遮，佮咱鬥陣完成今仔日的相逢。
02. 空間
第二項，我想欲講的是「空間」。
講著這個空間，頭先愛感謝厝主，願意相信鹿港囝仔文化事業有限公司這個團隊；嘛愛感謝彰化市的「瘦子咖啡」，接受咱的邀請，來鹿港佮咱做伙開店、做伙經營這個所在。
同時，嘛愛多謝國家發展委員會地方創生青年培力工作站的支持，予這個空間毋干焦是鹿港大街的一間咖啡店。
佇咱的願望內底，伊會當是少年家轉來故鄉、走找協助的所在；會當予藝術家佮創作者來做短期展覽佮交流；嘛會當親像今仔日，真正變做一個予本土藝術發生的場地。
咱嘛慢慢體會著，所謂的地方再生，毋一定攏愛靠一個誠大規模的熱鬧，伊嘛會當是一間留佇街仔內、逐工攏會拍開門的空間。
透過長久、穩定的經營，陪伴地方的生活，嘛予齊齊ê人會當來遮做代誌、創作，佮人鬥陣。
03. 時代
第三項，我想欲講的是「時代」。
這幾年，逐家佇工作佮生活內底，應該攏有感覺：咱面對的毋但是文字、影像大爆炸，這馬閣是 AI 爆炸的時代。
有人感覺 AI 真方便，嘛有人因為 AI 愈來愈緊、愈來愈厲害，心內感覺著急（tio̍h-kip）。
這馬好親像干焦寫一段提示詞 prompt，就會當佇短短的時間內，叫出咱人幾百冬累積的知識，攏囥佇咱的面頭前。
毋過，正正是因為熟識知識ê方法愈來愈簡單、愈來愈緊，我煞感覺，接落來對咱、對生活佇台灣的咱來講，閣較重要的，可能是培養咱感受世界的能力。
這幾個月，咱團隊的負責人敬業，嘛一直佇公司的網站寫文章，思考這個問題：
佇這款時代，到底有啥物是人無法度予 AI 替換（thè-uānn）的？
昨昏看煞這齣戲以後，我心內有一個真深的感受：
人有來到現場、有親身參與，這件代誌本身，就是一種實實在在ê在場證明。
AI 會當協助咱整理資料、產生內容；毋過，真正會當予這個社會繼續向頭前行的，猶原是人的思考、人的行動，佮人對世界的感受。
所以，我嘛想欲閣再多謝逐家，今仔日願意來到這個空間，佮咱做伙看戲、聽人講話，做伙感受這個時刻。
地方創生，不一定是為地方創造全新的符號。它也可以從重新辨認腳下早已存在的文化底蘊開始。
老屋、母語、南管、戲曲，以及一代代累積下來的生活記憶，都是鹿港的「地方 DNA」。
當老屋不只被保存，也能每天打開門；當傳統藝術不只留在典藏與紀錄裡，而能再次被觀看、聆聽與討論；當不同世代願意在地方相遇，文化便能繼續長出新的生命。
一位參加者寫下：
「創生源於文化底蘊，是人文韻底的疊加。」
也有人說：
「很在地、場域很棒，多方結合創造無限可能。一個美好的夜晚。」
謝謝江之翠劇場，也謝謝每一位走進古厝、坐下來聽戲的觀眾。
因為有人願意演出、有人願意打開空間，也有人願意在場、出席與參與，南管、戲曲與本土語言便不只是需要被保存的文化，更能繼續成為鹿港當代生活的一部分。
讓地方的聲音，重新回到日常。
也讓我們再次聽見，鹿港原本就擁有的台灣本土文化底蘊。
⋆―――――✧―――――⋆
場次二｜2026.08.01（六）19:00–20:30
演出地點｜洛津有夢 Lo̍k-tin Ū-bāng Café
彰化縣鹿港鎮中山路 163 號
2026 鹿港大街創生計畫｜地方創生青年培力工作站
指導單位｜國家發展委員會、彰化縣文化局
主辦單位｜江之翠劇場、鹿港囝仔文化事業有限公司
活動協力｜ 洛津有夢 Lo̍k-tin Ū-bāng Café（瘦子咖啡•鹿港大街）
